Әуежайда ауа райына байланысты рейстер кешігуде
Алматы халықаралық әуежайы ауа райына байланысты күшейтілген режимде жұмыс істеп жатыр, деп хабарлайды Qaz365.kz.
Бұл туралы Алматы халықаралық әуежайының баспасөз қызметі мәлімдеп отыр.
“Алматы халықаралық әуежайы ауа райының нашарлауына байланысты әуежайдың өндірістік қызметтері күшейтілген режимде жұмыс істеп жатқанын хабарлады. Қардың қарқынды жаууына орай ұшақтарға мұздануға қарсы өңдеу қызметтерін көрсетуге шектеулер енгізілді. Барлық қызмет рейстердің кешігуін азайту және операциялардың қалыпты тәртібін қалпына келтіру үшін қажетті шараларды қолдана отырып, күшейтілген режимде жұмыс істеп жатыр. Жолаушылардан рейстердің ағымдағы статусын ұшар алдында әуежай мен әуекомпаниялардың ресми сайттарынан тексеруді сұраймыз. Түсіністік танытқандарыңыз үшін алғыс айтамыз”, – делінген әуежайдың баспасөз хабарламасында.
Қазіргі уақытта ұшу уақыты кешігіп жатқан рейстер қатарында Ташкент, Қостанай, Астана бағыттары бар.1edited 16:05
