Ол шенеуніктерге 225 миллион теңге көлемінде пара беруге итермелеген
Ақтау әкімінің бұрынғы орынбасарына іздеу жарияланды, деп хабарлайды Qaz365.kz
Күдіктіге Солтүстік Қазақстан облысы бойынша экономикалық тергеу департаменті іздеу жариялаған.
Ақтау әкімінің бұрынғы орынбасары Тимур Сәдуақасовтың Обухов тау-кен байыту комбинатында заңсыз өндіру ісіне қатысы бары анықталған.
2024 жылдың желтоқсанында сот оны кінәсіз деп тапқан. Бірақ кейін прокуратура апелляциялық шағым түсірген. Осылайша қаңтарда қамауда ұстау туралы шешім шығарылған.
Тергеу мәліметінше, оған шенеуніктерге 225 миллион теңге көлемінде пара беруге итермеледі деген айып тағылып отыр.
Еске сала кетейік, Сәдуақасов 2019 жылдың ақпан айынан бері Ақтау қаласы әкімінің орынбасары қызметін атқарған.
