Бірі теуіп, бірі беттен жұдырықпен ұрды
Жолаушылар Алматы метросында сөзге келіспей қалып төбелес шығарды, деп хабарлайды Qaz365.kz.
Бұл туралы жекпе-жектің бейнесі әлеуметтік желілерде тарап кетті.
“Жанжал ер адамның жас жігітке сөмкесін шешіп, қолға алуын өтінгеннен басталды. Ол жігіт ер адамның өтінішін орындаудан бас тартты. Одан кейін бірден жанжал басталып, арты төбелеске ұласты. Бірі теуіп, бірі беттен жұдырықпен ұрды”, – дейді оқиға куәгерлері.
Оқиғаға қатысты Алматы полиция департаменті түсініктеме берді.
"Аталған оқиғаға байланысты метрополитендегі полиция басқармасы тексеру жүргізуде. Жанжалға қатысушылар анықталды. Басқа жағдайлар нақтылануда", – деп хабарлады Алматы полиция департаментінің баспасөз қызметі.
