Оқиғаға қатысты Полиция қылмыстық кодекстің 277-бабы 3-бөлігі бойынша бойынша іс қозғаған
Мемлекет басшысы Ұлытау облысында кеншілердің қаза табуына байланысты көңіл айтты, деп хабарлайды Qaz365.kz.
Бұл туралы ҚР Президенті әкімшілігінің баспасөз қызметі мәлімдеді.
“Президент Қасым-Жомарт Тоқаев «Қазақмыс» корпорациясының Ұлытау облысындағы кенішінде тау массасының құлауы салдарынан қаза болған жұмысшылардың туған-туыстары мен жақындарына көңіл айту жеделхатын жолдады. Мемлекет басшысы Үкіметке төтенше жағдайдың мән-жайын мұқият тексеру жөнінде міндет жүктеді.Салалық ведомстволар мен өңір әкімдігіне марқұмдардың отбасыларына барлық қажетті көмек көрсету туралы тапсырма берілді”, – делінген хабарламада.
«Қазақмыс» келісімшартқа сәйкес қаза болған қызметкерлердің отбасыларына жылдық табысының 10 еселенген мөлшері мен жерлеу рәсіміне 2 млн теңге берілетінін хабарлады.
Сондай-ақ Ұлытау облысы әкімдігі тарапынан тағы қарастырылып жатқан көмектер келесідей:
- асыраушысынан айырылу бойынша ай сайынғы төлемдер,
- балаларды оқытуға ақы төлеу,
- қайтыс болған қызметкерлердің несиелері мен қарыздарын өтеу,
- отбасы мүшелерінің өтініші бойынша көмектің өзге де түрлерін қарастыру.
Еске сала кетейік, осығавн дейін біз Құтқарушылар үйінді астында қалған барлық жеті жұмысшының мәйітін тапқанын, оқиғаға нақты не себеп болғаны туралы жазған болатынбыз.
Оқиғаға қатысты Полиция қылмыстық кодекстің 277-бабы 3-бөлігі бойынша («Тау-кен немесе құрылыс жұмыстарын жүргiзу кезiнде қауiпсiздiк қағидаларын бұзу») бойынша іс қозғаған.
