Сотқа дейінгі тергеу жалғасып жатыр
Алматыда тыйым салынған діни кітаптарды таратып жүргендер қолға түсті, деп хабарлайды Qaz365.kz.
Облыстық Полиция департаментінің мәліметінше, бір топ адам заңға қайшы әрекет жасап, тұрақты түрде кездесулер ұйымдастырып, діни әдебиеттерді, оның ішінде цифрлық ақпарат құралдарында материалдар таратқаны белгілі болды.
Жедел іс-шаралар барысында заңсыз әрекетті ұйымдастырушы ұсталып, уақытша ұстау изоляторына қамалды.
Тыйым салынған бірлестікті ұйымдастыру және оның қызметіне қатысу дерегі бойынша қылмыстық іс қозғалды.
Сотқа дейінгі тергеу жалғасып жатыр.
