Қорғаныс министрінің тапсырмасымен оқиға орнына арнайы комиссия жіберілген.
Алматы облысында әскери тікұшақтың жоғалуына байланысты іздестіру-құтқару операциясы басталды. Бұл туралы Қорғаныс министрлігіне сілтеме жасай отырып Qaz365.kz хабарлайды.
Ресми мәлімет бойынша, 2025 жылғы 25 шілдеде жоспарлы ұшу кезінде Қазақстан Қарулы күштері Әуе қорғанысы күштеріне тиесілі EC-145 үлгісіндегі тікұшақ радардан жоғалып кеткен.
Алдын ала деректерге сәйкес, бортта үш экипаж мүшесі болған. Қазіргі уақытта Қорғаныс министрлігі, Төтенше жағдайлар министрлігінің күштері мен құралдары жұмылдырылып, іздестіру-құтқару жұмыстары жүргізілуде, – делінген министрлік таратқан хабарламада.
Қорғаныс министрінің тапсырмасымен оқиға орнына арнайы комиссия жіберіліп, жағдайдың мән-жайы анықталуда.
Ведомство қосымша ақпарат жарияланатынын мәлімдеді.
