Өртті сөндіруге жеке құрамның 74 қызметкері мен 14 техника жұмылдырылды
Астанада жеке тұрғын үйді өрт шарпыды, деп хабарлайды Qaz365.kz.
«27 шілде сағат 14:11-де Астана қаласы Төтенше жағдайлар департаментінің бөлімшелері Ер Қосай көшесінің бойында өрт шарпыған нысанға бағытталды. Өрт сөндірушілер оқиға орнына келген кезде, автоцистерналар, жанғыш сұйықтық құйылған бөшкелер және екі қабатты коттедж өртеніп жатқанын анықтады. Сағат 14:45-те аталған нысандағы өрт ауыздықталды», – делінген елордадағы Төтенше жағдайлар департаменті баспасөз қызметі мәліметінде.
Айта кетейік, өртті сөндіруге жеке құрамның 74 қызметкері мен 14 техника жұмылдырылды.
