Бүгін Алматының “Ақкент” шағынауданындағы көп қабатты үйден өрт шықты, деп хабарлайды Qaz365.kz шаһардың Төтенше жағдайлар департаментінің баспасөз қызметіне сілтеме жасап.
Видеода көрсетілгендей, балаларды өрт пен түтіннен құтқару үшін 6-шы қабаттан төсеніштерге лақтырып жатыр.
"1 тамызда сағат 17:10-да ТЖД күштері Алматыдағы "Ақкент" шағынауданына жіберілді. Ақпаратқа сәйкес, лифт білігіндегі электр кабелі 5-6 қабат деңгейінде өртенген. ТЖД құтқарушыларының көмегімен жоғарғы қабаттарға тартылған саты арқылы 250-300 адам эвакуацияланды, 3 тізе сатысы мен үш автосаты арқылы 40 адам құтқарылды. Өртті сөндіруге жеке құрамның 50 адамы мен 14 техникасы жұмылдырылды, оның 3-уі - автосатылар", - деп хабарлады ТЖД.
Төтеншеліктердің хабарлауынша, қазіргі сәтте өрт толығымен ауыздықталды.
