×

Әйелін тұншықтырып, суға тастаған: Астанада 15 жылдан бері іздеуде жүрген қылмыскер ұсталды

Қазір қылмыстық іс қайта жанданды

Әйелін тұншықтырып, суға тастаған: Астанада 15 жылдан бері іздеуде жүрген қылмыскер ұсталды
Фото: polisia.kz

15 жылдан бері іздеуде жүрген қылмыскер ұсталды, деп хабарлайды Qaz365.kz.

2009 жылы Павлодар полициясына ер адам өзінің зайыбының жоғалып кеткенін айтып хабарласқан. Айтуынша, әйел досына кетіп, қайтып оралмаған. Полицейлер іздестіру барысында Қазақстан мен көрші мемлекеттің өңірлерін бағдарлап, ол жақта жоғалған адам туралы хабар таратқан. Бір жылдан кейін көлден әйелдің мәйіті табылды.

Геномдық сараптама жоғалған павлодарлықтың жеке басын растап, тергеу барысында кісі өлтіру фактісі бойынша қылмыстық іс қозғалды. Осы жылдар ішінде іс бойынша түрлі іс-шаралар өткізілді. Тергеу басшылықтың ерекше бақылауында болды.

Осы жылы жедел-іздестіру іс-шараларының нәтижесінде Павлодар облысының полициясы күдіктінің ізіне түсті. Ер адам жанжалдасқанда әйелді тұншықтырып өлтіріп, содан кейін оның денесін суға тастаған.

"Оның ұзақ уақыт бойы аса ауыр қылмыс жасағаны үшін бас бостандығынан айыру орындарында болғаны анықталды. Ал 2022 жылы шартты түрде мерзімінен бұрын босатылды. Оны Астанада ұстады. Қазір қылмыстық іс қайта жанданды. Тергеу жалғасып жатыр", – деді Павлодар облысы ПД криминалдық полиция басқармасының бастығы Балғабай Қапаров.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Айыппұлдардың жалпы сомасы 22 млн теңгеден асады
Атырау облысының Төтенше жағдайлар департаменті өлім 29 мамырда тіркелгенін мәлім етті

Соңғы жаңалықтар

Барлық жаңалық →