×

«Анама өкпем жоқ»: канадалық отбасы асырап алған қазақ жігіті 17 жылдан соң туған анасымен кездесті

Канадалықтар асырап алған қазақ жігіті туған жерге келді

«Анама өкпем жоқ»: канадалық отбасы асырап алған қазақ жігіті 17 жылдан соң туған анасымен кездесті
Видеокадр

Канадалықтар асырап алған қазақ баласы туған жерге келді. Осыдан 17 жыл бұрын Канадаға кеткен Райн Жандос кеше Ақтауға келіп, туған анасымен қауышты. Шетелден келген қонақтарды ақтаулық бір топ ерікті күтіп алды, деп хабарлайды Qaz365.kz тілшісі «Маңғыстау» облыстық телеарнасына сілтеме жасап.

Телеарна мәліметінше, Жандос анасымен, туған бауырларымен қауышқаннан кейін қазіргі ата-анасымен бірге өзі тәрбиеленген сәбилер үйіне барған. Канадалық ата-анасы Жандос Рейнді 10 айлығында асырап алған. Бұл кездесуге Жанар Байсеміздің «Шетелдегі қазақ балалары» авторлық жобасы себеп болған.

«Кішкентай кезінен Жандосқа оны асырап алғанымызды айтып келдік. «Туған анасын көргісі келе ме, жоқ па?» деген сұрақты да өзіне қалдырдық. Ол Торонтода ұлты қазақ достарымен жиі кездесіп, араласып тұрады. 17 жасқа толғанда достары да анасын табуға кеңес берген. Біз ниетін қолдадық. «Шетелдегі қазақ балалары» бағдарламасының авторына хабарластық. Ол бізге Жандостың анасын табуға көмектесті. Ақтауға келіп, Жандостың туған анасымен кездестік», – дейді Жандосты асырап алған анасы Шанас Мұхамед.

Жандос Рейн қазіргі ата-анасымен 17 жылдан кейін сәбилер үйіне барып, бұрын оны баққан тәрбиешілерімен, өзі тағдырлас балалармен кездесті.

«Анам менен көз жазып қалса да, тастап кетсе де оған өкпем жоқ. Анамды жазғырғым келмейді. Болашаққа көз тастаймын, екеуміздің тағдырымыз сондай болды. Егер мені Канадаға алып кетпегенде, сол жақта өспегенде, қазіргі қырларым ашылмас па еді? Мені барлығы керемет қарсы алды. Менің халқым, ұлтым қонақжай екен», – дейді Жандос Рейн.

Елден жырақта өмір сұріп жатқан қазақ баласы туған жері қатты ұнағанын, 3-4 жылдан кейін Қазақстанға қайта келуді жоспарлап қойғанын айтты.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Астанада ер адам терезеден құлап бақилық болды
Кеше, 15:00

Астанада ер адам терезеден құлап бақилық болды

Ақпаратты қалалық Полиция департаменті растады

Соңғы жаңалықтар

Барлық жаңалық →