Неміс дәрігерлері оның аяқтан тұрып кетуіне 80 пайыз кепілдік берген
Әскерде жүргенде жұмбақ жағдайда басы жарылып, төсек тартып қалған Ербаян Мұхтардың әкесі Хамит Айтмағамбетов баласының қазіргі күйі туралы айтты, деп хабарлайды Qaz365.kz.
«Барлығын көзбен түсіндіреді, қолмен де түсіндіреді. Кешке жақын сулифа ойнайды. Отбасымызбен көбінесе қасында болуға тырысамыз», - дейді әкесі.
Хамит Айтмағамбетовтің айтуынша, диагнозы мен медициналық көрсеткіштерін зерттеген неміс дәрігерлері оның аяқтан тұрып кетуіне 80 пайыз кепілдік берген.
«Соңғы уақытта оның денесі құрысып қалып жүр, бірақ дәрігерлер мұндай жарақаттарда бұл қалыпты құбылыс екенін айтты. Ең бастысы – уақтылы ем қабылдау болып тұр»,- дейді ол.
Дегенмен әкесі ұлы толықтай сауығып кеткенге дейін оның фотосуреттері мен бейнематериалдарын жариялауға үзілді-кесілді қарсы екенін, мұны көз тиюден сақтаудың амалы деп түсіндірді.
Ата-анасы ұлттық ұлан бас қолбасшысының тәрбие және әлеуметтік-құқықтық жұмыстар жөніндегі орынбасары Қайрат Үмбетовтің сөзіне шүйлікті. Үмбетов бұған дейін «Ербаян дәретханаға барғанда жығылып, жарақат алған» деп мәлімдеген.
