Полиция қызметкерлері аталған өнімдерді сатумен айналысқан екі адамды анықтаған
Полицейлер Қарағандыдағы темекі өнімдерін сататын дүкендердің бірінен заңсыз темекі өнімдерін сату фактісін анықтады, деп хабарлайды Qaz365.kz.
“Жедел-іздестіру іс-шаралары барысында 47 мың қорапқа жуық акцизсіз өнім тәркіленді. Алдын ала есеп бойынша мемлекетке келтірілген шығын көлемі 50 миллион 274 мың теңгені құрады. Полиция қызметкерлері аталған өнімдерді сатумен айналысқан екі адамды анықтады”, – делінген өңірлік Полиция департаменті хабарламасында.
Қазіргі уақытта оқиғаның мән-жайы және осы іске қатысты басқа да тұлғаларды анықтау бойынша іс-шаралар жүргізіліп жатыр.
