3 жылдың ішінде жалақының мөлшері 200 пайызға дейін көтеру жоспарланған
Биыл 600 мыңға жуық азаматтық қызметшінің жалақысы өседі, деп хабарлайды Qaz365.kz.
Бұл туралы ҚР Еңбек және халықты әлеуметтік қорғау министрлігі мәлімдеп отыр.
“Мемлекет басшысының 2021 жылғы 1 қыркүйектегі «Халық бірлігі және жүйелі реформалар – ел өркендеуінің берік негізі» атты Қазақстан халқына Жолдауында айтылған тапсырмасын орындау мақсатында биыл азаматтық қызметшілердің жекелеген санаттарының жалақысын орташа есеппен 20% - ға кезең-кезеңімен арттыру жалғасады. Ондай мамандық иелеріне:
- Бухгалтер,
- экономист,
- заңгер,
- мұрағатшы,
- кітапханашы,
- мұражайтанушы,
- орманшы,
- техникалық персонал және тағы басқа мамандықтар бойынша жұмыс істейтін 600 мыңға жуық азаматтық қызметшінің жалақысы көтеріледі”, – делінген министрліктің хабарламасында.
Осылайша 2022-2025 жылдар аралығында азаматтық қызметшілердің жекелеген санатының жалақысы 2 есеге ұлғаяды.
