Заманауи спутниктік технологиялар арқылы пойыздарда ғаламторға қолжетімді болмақ
Қазақстан пойыздарында интернет іске қосылатын болады, деп хабарлайды Qaz365.kz.
Бұл туралы «Жолаушылар тасымалы» АҚ баспасөз қызметі мәлімдеді.
«Заманауи спутниктік технологиялар арқылы пойыздарда ғаламторға қолжетімділікті қамтамасыз ететін пилоттық жоба іске қосылады. Бұл қызмет ең алдымен жолаушылар арасында танымал бағыттардың бірі № ¾ «Астана-Алматы» пойызында жүзеге асырылады.Бұл жолаушыларға сапар барысында WhatsApp, YouTube секілді қосымшаларды еркін пайдалануға және бейнемазмұндарды көруге мүмкіндік береді. Алайда, торренттер мен файлдарды жүктеу сайттарына шектеу қойылатын болады. Жобаның техникалық қолдауын Қазақстандағы OneWeb-тің ресми серіктесі Jusan Mobile жүзеге асырады», — делінген ұлттық тасымалдаушы компанияның хабарламасында.
