Олар уақытша тұруға 80-нен астам заңсыз рұқсат қағаздарын дайындаған
Қазақстанда уақытша тұруға заңсыз құжат ресімдеген қызылордалықтар ұсталды, деп хабарлайды Qaz365.kz.
Бұл туралы ҚР Ұлттық қауіпсіздік комитеті мәлімдеді.
“ҰҚК Қызылорда облысы және Байқоңыр қаласы бойынша департаменті прокуратура органдарының үйлестіруімен заңсыз көші-қонды ұйымдастыруға күдікті бір топ адамның әрекетінің жолын кесті. Алдын ала деректер бойынша, олар жақын шетел азаматтарына Қазақстанда уақытша тұруға 80-нен астам заңсыз рұқсат ресімдеген.
Тінту барысында заттай дәлелдемелер тәркіленді”, – делінген ҰҚК хабарламасында.
Қылмыстық кодекстің 251-бабының 1-бөлігі, 394-бабының 2-бөлігі және 366-бабының 1-бөлігі бойынша сотқа дейінгі тергеп-тексеру жүргізілуде.
Қылмыстық-процестік кодекстің 201-бабының 1-бөлігіне сәйкес өзге ақпарат жария етуге жатпайды.
