Алматыдағы орталықта 9 мың баланың 26-сы ірі болып туылады
Алматыда салмағы 6 келіден асатын алып бала дүниеге келді, деп хабарлайды Qaz365.kz.
Бұл туралы Алматы қаласының перинаталдық орталығы мәлімдеді.
“Туылған нәрестенің бойы – 63 см, салмағы – 6 келі 250 грам. Қазір анасы екеуінің жағдайы бірқалыпты. Бұл 32 жастағы келіншектің бесінші баласы. Ана мен бала дәрігерлердің бақылауында”, – делінген орталықтың хабарламасында.
Орталық мамандары жыл сайын қалалық перианаталдық орталықта дүниеге келген 9 мың баланың 26-сы ірі болып туылатынын айтып отыр.
