Ақмола облысында 33 жетім бала тұрғын үй кезегінен заңсыз түрде есептен шығарылған
Ақмола облысында жетім балалар мен ата-анасының қамқорлығынсыз қалған балалардың тұрғын үй құқықтары қорғалды, деп хабарлайды Qaz365.kz.
Бұл туралы Ақмола облысы прокуратурасының баспасөз қызметі мәлімдеді.
“Ақмола облысында 33 жетім бала тұрғын үй кезегінен заңсыз түрде есептен шығарылған, 8 бала уақытында кезекке қойылмаған, ал 1 балаға мүлде тұрғын үй беруден бас тартылған. Қолданыстағы заңнамаға сәйкес, аталған санаттағы балалар тұрғын үй алуға бірінші кезекте құқылы.Сонымен қатар, жергілікті атқарушы органдар тарапынан балалардың мемлекеттік тұрғын үй қорынан баспана алу құқығы бұзылған.Мысалы, аудан орталықтарының бірінде жетім балаға арналған пәтерде екі жыл бойы мемлекеттік мекеме басшысы тұрған. Қадағалау актісі бойынша пәтер қайтарылып, балаға берілді”, – делінген прокуратура хабарламасында
Қазіргі уақытта басқа балалардың бұзылған құқықтарын қалпына келтіру шаралары қабылдануда.
