Дүмпудің салдарынан таудағы топырақ төмен сырғыған
Түркияның Кайсері қаласында магнитудасы 4,7 балдық зілзала тіркелді, деп хабарлайды qaz365.kz тілшісі Show Ana Haber телеарнасына сілтеме жасап.
Жерасты дүмпуі 7 наурызда жергілікті уақытпен 14 сағат 47 минутта тіркелген. Бұл жолы 6 минуттың ішінде үш рет жер сілкінген. Дүмпудің салдарынан таудағы топырақ төмен сырғыған. Абырой болғанда, топырақ көшкінінен зардап шеккендер жоқ.
Еске сала кетсек, 6 ақпанда Түркияда магнитудасы 7,7 балдық жойқын жер сілкінісі болды. Эпицентрі Кахраманмараш провинциясындағы Пазарджик ауданында болған зілзала ошағы 7 шақырым тереңдікте болған. Жер сілкіну салдарынан Хатай, Газиантеп, Килис, Османие, Малатья, Адыяман, Шанлыурфа, Диярбекир, Адана және Кахраманмараш провинцияларында көптеген ғимараттар қирады. Зілзаладан қаза тапқан адамдар саны 46 мыңнан асты.
