Әзірге қамауға алынғандар жоқ
Қаржы мониторингі агенттігі «Азаматтарға арналған үкімет» мемлекеттік корпорациясы» КЕАҚ басшылығына қатысты қылмыстық іс қозғады, деп хабарлайды qaz365.kz тілшісі ulysmedia.kz-ке сілтеме жасап.
Қазақстан Республикасы Қылмыстық кодексінің 189-бабының 2-бөлігі «Адамдар тобының алдын ала сөз байласуы бойынша сеніп тапсырылған бөтеннің мүлкін иемденіп алу немесе қызмет бабын пайдалана отырып жымқыру» бойынша қылмыстық іс қозғады.
10 наурыз күні ҚМА қызметкерлері «Азаматтарға арналған үкімет» КЕАҚ-тың басшысы Сүйеніш Әбділдиннің, оның орынбасарлары мен аппарат жетекшісінің кабинеттерін тінтіді. Олардың компьютерлері тәркіленді.
Әзірге қамауға алынғандар жоқ. Іс бойынша соңғы шешім жақын күндері шығады деп күтілуде.
