Ұшақ соған қарамастан ұшуды жалғастыру туралы шешім қабылдаған
Непалдағы Катманду әуежайынан ұшып шыққан Fly Dubai ұшағынан өрт шықты. Әлеуметтік желіде жанып жатқан ұшақтың видеосы пайда болды, деп хабарлайды Qaz365.kz тілшісі Ani агенттігіне сілтеме жасап.
"Fly Dubai ұшағы Катманду әуежайынан ұшып шыққан кезде өртеніп, әуежайға қонуға әрекеттеніп жатыр. Өрт сөндіру машиналары әуежайда", - деп жазды Ani агенттігі Twitter парақшасында.
Алайда Flightradar қызметінің хабарлауынша, ұшақ соған қарамастан ұшуды жалғастыру туралы шешім қабылдаған. Мұны The Katmandu Post растады.
Кейін Непалдың азаматтық авиация басқармасы төтенше жағдай болмағанын, Fly Dubai ұшағы Дубайға кесте бойынша ұшатынын мәлімдеді.
