Тұрғындар жер сілкінісін сезгенін айтып жатыр
Маңғыстау облысында магнитудасы 4,5 балдық жер сілкінісі болды. Бұл туралы Еуропалық-жерорта теңізінің сейсмологиялық орталығы мәлімдеді, деп хабарлайды Qaz365.kz тілшісі ZTB Telegram арнасына сілтеме жасап.
Жер сілкінісі Астана уақытымен 13:25 шамасында тіркелген. Зілзала ошағы Форт-Шевченкодан солтүсті-шығысқа қарай 187 шақырым, Шетпе ауылынан солтүстікке қарай 104 шақырым жерде орналасқан.
Ал тұрғындардың басым бөлігі өздерінің желідегі парақшаларында жер сілкінісін сезгенін хабарлап, алаңдап отырғандарын жеткізді.
