Кинематографистердің үндеуіне қатысты ҚР Мәдениет және спорт вице-министрі Нұрғиса Дәуешов өзінің Facebook парақшасында жазба жариялады, деп хабарлайды Qaz365.kz тілшісі.
"Қазіргі уақытта мемлекеттік қаржыландыруды алуға үміткер киножобалардың кезекті – бесінші конкурсы өтіп жатыр. Оның ұйымдастырушысы - "Ұлттық киноны қолдау орталығы" КЕАҚ. Биыл электронды және қағаз форматында 290 өтінім келіп түсті. Кейбір кинематографистер кино орталығы (ҰКҚМО) өткізген конкурстың нәтижелерімен келіспейді. Халық үніне құлақ асатын мемлекет қағидатын басшылыққа ала және келіп түскен өтініштерді ескере отырып, министрдің тапсырмасы бойынша келіп түскен барлық өтінімдерді қайта қарайтын тәуелсіз комиссия құрылады", делінген вице-министр Нұрғиса Дәуешовтің жазбасында.
Вице-министрдің хабарлауынша, бұл объективтілікті қамтамасыз ету үшін жасалады.
