Екі жыл бойы 1600-ден астам кәсіпкерге кедергі келтірген
Атырауда монополист кәсіпорын 1600-ден астам кәсіпкерге екі жыл бойы кедергі келтірген, деп хабарлайды Zakon.kz.
"Атырау облысы Су арнасы" су бұру және сумен жабдықтау бойынша бір қызметін негізсіз 4 дербес қызметке бөлінгені анықталды.
"Кәсіпорын аталған қызметті жергілікті актілермен жария жүргізе отырып, қызмет көрсетудің мерзімін ұзартуға қол жеткізген. Нәтижесінде 28 күннің орнына қызмет көрсету мерзімі бірнеше айға, ал кейбір жағдайларда бір жылға дейін ұзартылған. 2020-2022 жылдары 1600-ден астам кәсіпкер осындай қызмет алған", – делінген Атырау облысының Сыбайлас жемқорлыққа қарсы қызметінің баспасөз қызметінің хабарламасында.
Мәселе Атырау облысының Сыбайлас жемқорлыққа қарсы қызметінің араласуынан кейін ғана оң шешімін тапты. Монополистке бірқатар ұсыныстар енгізілді. Тәжірибе тоқтатылды. Қызмет көрсету тәртібі заңнамаға сәйкес келтірілгені де нақтыланады.
