Шымкентте итін көлігінің артына байлап, сүйреген жүргізуші анықталды, деп хабарлайды Qaz365.kz тілшісі.
Шымкенттік полицейлер әлеуметтік желіге мониторинг жүргізу барысында белгісіз адамның қала көшелерінің бірінде Opel Astra автокөлігіне байланған ақ түсті төбетті сүйреп бара жатқан бейнежазбаға пікір білдірді.
"ҚПД Жедел басқару орталығының инспекторлары "Қорғау" қосымшасының көмегімен көліктің қозғалған орны мен жүргізушінің жеке басын анықтады. Ол Түркістан облысының тұрғыны болып шықты", – делінген полиция хабарламасында.
Барлық деректер Әл-Фараби аудандық ПБ-ға жолданды.
"Ер адамның айтуынша, ол көшіп жатқан. Автокөліктің салонында итке орын болмағандықтан, оны көлікке байлауды ұйғарған. Жүргізушіге қатысты ҚР ӘҚБтК-нің 407-2-бабы бойынша әкімшілік хаттама толтырылды", – делінген хабарламада.
Жиналған материалдар мамандандырылған әкімшілік сотқа жіберіледі. Сондай-ақ, төбет иесімен профилактикалық түсіндірме жұмыстары жүргізілді.
