Оның денесі жақын арада елге жеткізіледі
Таиландта суға батып кете жаздаған қазақстандық Артур Искаков қайтыс болды. Оның қазасы туралы әлеуметтік желіде әпкесі естіртті, деп хабарлайды Qaz365.kz.
"Артур енді арамызда жоқ", - деп қайғыcын бөлісті әпкесі.
Артурдың денесі жақын арада туған жері Қазақстанға жеткізіледі.
Еске салайық, бұған дейін марқұмның әпкесі Артур қалыңдығымен Таиландқа демалуға кеткенін айтқан болатын. Олар теңізге түскенде, толқындар көтеріліп, оның қалыңдығы суға бата бастаған. Жігіт көмекке асығып, қызды құтқарып қалған, бірақ өзі суға кеткен. Кейін ес-түссіз ауруханаға жеткізілген.
