Сондай-ақ өрт болған тұрғын үйде қалпына келтіру жұмыстарын жүргізуге уәде берді
Бір күн бұрын өрт шыққан «Ақкент» тұрғын үй кешенін салған ««Ayt Housing Complex» ЖШС марқұмның отбасына тегін екі бөлмелі пәтер береді, деп хабарлайды Qaz365.kz.
«Компания атынан Әсел Бекмұхамбетованың отбасы мен жақындарына көңіл айтамыз. Әселдің әпкесі Айжан тез сауығып кетуіне тілектеспіз», – делінген хабарламада.
Сонымен қатар құрылыс салушы компания өрт болған тұрғын үйде қалпына келтіру жұмыстарын жүргізуге уәде берді.
Бұл туралы «Ayt Housing Complex» құрылыс компаниясының бас директоры Қанат Ералиев «Ақкент» тұрғын үй кешенінің тұрғындарымен кездесуі барысында мәлім етті.
«Үйді қалпына келтіру шығындарын өз мойнымызға алуға дайынбыз», – деді бас директор.
Тұрғын үй кешенін салушы ««Ayt Housing Complex»» ЖШС екені атап өтілді. Көппәтерлі 54 тұрғын үй 07.08.2017 жылғы No773 нысанды пайдалануға қабылдау актісімен пайдалануға берілді. 2020 жылдың қаңтарына дейін бұл үй бос болды, бұл үйдің тапсырыс берушісі және иесі «Ayt Housing Complex» ЖШС емес. Бұл тұрғын үй кешенінде сервистік басқару органы «ЖК Аккент» МӘМ болып табылады. Өткен жылдың наурыз айында ОСИ «Ayt Facility Management» ЖШС атынан басқарушы компаниямен шарт жасасты, оның директоры Маженов Г.С.
Бұл тұрғын үйдегі лифттерге келетін болсақ, Mitsubishi маркалы лифттері 2015 жылдан бері жұмыс істейді, мемлекеттік нөмірі L15-269 және L15-270. «AG MELKO Elevator Kazakhstan Company» ЖШС лифт компаниясына қызмет көрсетеді. Лифттерді соңғы техникалық тексеру 2023 жылдың 27 шілдесінде жүргізілген.
Еске сала кетейік, “Ақкент” шағынауданындағы 16 қабатты үйде өрт тұтанған.
Қызыл жалын сағат 18:46 кезінде оқшауланып, сөндірілді.
31 адам, оның ішінде 16 бала ауруханаға жеткізілген болатын.
Амалы қалмаған тұрғындар балаларын терезеден лақтырды.
Зардап шеккендердің ішінде 2 жүкті әйел бар.
Кейін Алматы қалалық денсаулық сақтау басқармасы бір адамның қаза тапқанын хабарлады.
Қала әкімі Ерболат Досаев өрт кезінде қаза болған әйелдің отбасына көңіл айтты.
