Бұл туралы блогер Ильяс Сариев хабарлады
Түркістан облысында ұзақ уақыт бойы ағасының малын баққан апалы-сіңілі қыздардың жағдайы туралы бірінші дабыл қаққан сыныптасына үй берілді, деп хабарлайды Qaz365.kz.
Назгүл мен Құндыз туралы алғаш хабарлап, халықтан көмек сұраған сыныптасы Пернебекке "Елге көмек» қайырымдылық қоры баспана сыйлады. Бұл туралы блогер Ильяс Сариев Instagram парақшасында хабарлады.
"Құндыз бен Назгүлдің жағдайын халыққа жеткізген сыныптасы Пернебекке Алланың қалауымен "Елге көмек" қайырымдылық қорының атынан баспана берілді", - дейді Ильяс Сариев.
Айта кетейік, Түркістан облысында апалы-сіңілі қыздар ұзақ уақыт бойы ағасының малын бағып, нашар жағдайда өмір сүріп келген. Сыныптастары Гүлсімжан Әділжанова мен Айша Мұстафина 11 жыл бір партада отырған сыныптастарының жай-күйіне алаңдап, "Көреміз" бағдарламасына жүгінген. Ильяс Сариев апалы-сіңілі қыздардың жағдайын халыққа жеткізген сыныптастарына Меккеге жолдама сыйлады.
Сондай-ақ, "Елге көмек» қайырымдылық қоры атынан Назгүл мен Құндызға Алматы облысынан үй берілетіні де айтылған еді.
