Компанияның атауы актив мемлекет меншігіне өткеннен кейін енгізіледі
Мемлекет меншігіне өткеннен кейін «АрселорМиттал Теміртау» компаниясының атауы өзгеруі ықтимал. Бұл туралы Өнеркәсіп және құрылыс министрі Қанат Шарлапаев айтты, деп хабарлайды Qaz365.kz.
«АрселорМиттал Теміртау» компаниясының қазіргі басшысы ауысса, одан әрі компания атауын пайдалана алмаймыз. Arcelor атауын пайдалануға құқығымыз болмайды», – деді Шарлапаев.
Оның айтуынша, өткен жылы «АрселорМиттал Теміртау» 3 млн доллар пайда тапқан.
Еске салайық, 28 қазанға қараған түні «АрселорМиттал Теміртау» кенішінде жарылыс болып, 46 кенші қаза болды.
Қазақстан Президенті Тоқаев «АрселорМиттал Теміртаумен» ынтымақтастықты тоқтатуды бұйырды. Қайғылы оқиға бойынша сотқа дейінгі тергеу басталды.
Үкіметте «АрселорМиттал Теміртау» АҚ акционерлерімен алдын ала келісімге келгені және кәсіпорынды Қазақстанның пайдасына меншік құқығына беру жөніндегі мәміленің аяқталып жатқаны хабарланды.
