Сайт қазір баяу ашылып тұр
NEGE порталына бірнеше күннен бері хакерлік шабуыл жасалып жатыр. Qaz365.kz тілшісі сайттың бас редакторы Ерік Рахымға хабарласып, мән-жайды білді.
Сайт қазір баяу ашылып тұр. Редакция бүгін шабуылды кім жасап жатқанын білетіндерін, алайда нақты дәлел жоғын айтып отыр.
“Шабуыл өткен жұмадан басталды. Содан бері толассыз шабуылдар жүріп жатыр. Бұған дейін өзіміздің техникалық мамандар жағдайды реттеп алатын. Бұл жолы қиын болып тұр. Әлемнің түкпір-түкпірінен хакерлер маза бермеуде. Мамандардың айтуынша, мұндай белсенді шабуылдың құны тәулігіне 15 мың доллар екенін айтады. Мұның кімнен келген кеп екенін ішіміз сезеді, бірақ қолда нақты дәлел жоқ. Біз жұмысымызды жалғастыра береміз. Портал қайта қалыпқа келгенше әлеуметтік желідегі парақшаларымыздан көз жазбаңыздар”, – дейді сайттың бас редакторы Ерік Рахым.
Ол осы ретте «АрселорМиттал» тақырыбын тереңдеп жазғанын айтады. Мемлекет 90-жылдары келісімге келген шетелдік компаниялармен келісімді қайта қарау қажет деп санайды. Әсіресе, Еуразиялық топ (ERG) туралы депутаттардан пікір алған. Ол қауіптің осылардың біреуінен келуі мүмкін екенін де жоққа шығармайды.
