Еден жуып жарысуға мәжбүрлеген
Желіде Қарағанды облысындағы ерекше режимдегі колонияда түсірілген видео тарады, деп хабарлайды Qaz365.kz.
Видеодан жазасын өтеушілерді еден жуып жарысуға мәжбүрлеп жатқанын көруге болады. Ал кадр сыртында тұрған түрме күзетшілері оларға айғайлап, мәжбүрлеп жатқыны байқалады.
Сонымен қатар сотталғандарды мекеме әкімшілігіне бағынатын басқа сотталғандар мәжбүрлеп жүргені көрінеді. Мұндай қорлау әрекеттері жаңадан келген тұтқындарды «тәрбиелеу» үшін қолданылуы мүмкін.
ІІМ оқиға бойынша пікір білдірген жоқ.
Жалпы Қазақстанда түрмеде азаптаулар жиі тіркеледі. Мәселен, қыркүйекте Ақмола облысындағы түзету мекемесінде күзет қызметкерлерінің сотталған азаматты сабап жатқан видеосы тараған. Кейін видеодағы азамат Тимур Дәнебаев екені анықталған.
