Бұған дейін Қазақстанның экс-президентінің ағасы Алматыдағы ауруханалардың біріне жатқызылғаны айтылған
Экс-Президент Нұрсұлтан Назарбаевтың туған інісі Болат Назарбаев қайтыс болды, деп хабарлайды Qaz365.kz.
«2023 жылдың 13 қарашасында сағат 09.51-де Болат Назарбаев қайтыс болды», – делінген Орталық клиникалық аурухана хабарламасында.
Отандық БАҚ-тардың жазуынша, ол 13 қарашада сағат 9:51-де 71 жасына қараған шағында көз жұмды.
«Сағат 9:28-де (Болат Назарбаевтың) жүрегі тоқтады. 23 минутта реанимация жүргізілді. Алайда ол тиімсіз болып шықты», – деп жазылған хабарламада.
Ақпаратты экс-Президенттің баспасөз хатшысы Айдос Үкібай растады.
«71-ге қараған шағында созылмалы аурудың салдарынан ҚР Тұңғыш Президенті Нұрсұлтан Назарбаевтың туған інісі Болат Әбішұлы Назарбаев дүниеден озды», – деп жазды Айдос Үкібай.
Бұған дейін Қазақстанның экс-Президентінің ағасы Алматыдағы ауруханалардың біріне жатқызылғаны айтылған. Ол миокард инфарктісін алған.
Айта кетейік, Болат Назарбаев 1953 жылы 23 наурызда туған.
