×

Айкөркемнің ісі: Үкім шыққаннан кейін Бас әскери прокуратура бірден мәлімдеме жасады

Бас әскери прокуратура мәлімдеме жасады

Айкөркемнің ісі: Үкім шыққаннан кейін Бас әскери прокуратура бірден мәлімдеме жасады
Фото: «Азаттық» радиосы

Бас әскери прокуратура Қаңтарда оққа ұшқан Айкөркем Мелдеханның ісі бойынша шыққан үкіммен келіспейді, деп хабарлайды Qaz365.kz.

«2023 жылдың 15 қарашасындағы Алматы гарнизоны әскери сотының үкімімен А.И. Жұман ақталды.

Бұдан бұрын ол қаруды қолдана отырып, билікті асыра пайдалана отырып кәмелетке толмаған тұлғаның өліміне және екі тұлғаға дене жарақатын келтіргені үшін сотқа берілген болатын.

Сот жарыс сөзі барысында мемлекеттік айыптаушы Жұманды кінәлі деп танып, оған 7 жыл бас бостандығын айыру жазасын тағайындауды сұраған. Сот үкімін бұзу үшін прокурормен апелляциялық өтініш хат келтіріледі», – деп ақпарат таратты үкімнен кейін құзырлы орган.

Сот бүгін Арман Жұманды ақтап шыққан. Бұған дейін прокурор айыпталушыны 7 жылға бас бостандығынан айыруды сұраған еді. Айыпталушы Арман Жұман "Билікті асыра пайдалану" (451-бап, 2-бөлігі 1-тармағы) бабы бойынша айыпталған. Ол өзіне тағылған айыппен келіспейді. Бұған дейін қорғау жағы айыпталушы Арман Жұманды толық ақтауды сұраған. 

Ал жәбірленуші жақ сот процесінің өту барысына наразы болған. Олар, біріншіден, бұл істе бір емес, бірнеше айыпталушы болуға тиіс деп санайды. Екіншіден, оларға "Билік өкілетін асыра пайдалану" емес, "Адам өлтіру" бабы бойынша айып тағылуы керек деген.

Еске сала кетейік, былтыр Қаңтар оқиғасы кезіндегі жаппай наразылық пен дүрбелең кезінде Айдос Меделханның балалары отырған көлікке әскери қызметкерлер оқ жаудырған. Соның салдарынан 16 жастағы қызы жараланып, 4 жастағы Айкөркем оққа ұшқан еді.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Соңғы жаңалықтар

Барлық жаңалық →