Бұл жайлы прокурор елордалық бизнес өкілдерімен кездесудің кулуарында айтты
Астана прокуроры Ерлан Өтегенов Салтанат Нүкенованың өлімі бойынша ұсталған екінші адам экс-министр Қуандық Бишімбаевтың туысы екенін растады, деп хабарлайды Qaz365.kz.
"Іс тергеліп жатқанын білесіздер, барлық сараптама жүргізіліп жатыр. Бишімбаев уақытша ұстау изоляторына 2 айға қамалды. Тергеу амалдары жалғасып жатыр", – деді прокурор.
Журналист ұсталған екінші күдікті Бишімбаевтың інісі ме деп сұрады.
"Ол – "Гастро-орталықтың" директоры, олардың туыстық қатынасы бар", – деп жауап берді Өтегенов.
Айта кетейік, бұған дейін Астананың бас прокуроры Ерлан Өтегенов Салтанат Нүкенованы өлтірген күні "Гастро-орталықтағы" видеолардың өшірілгенін растады.
