Қазақстанның төрт қаласында ауа жоғары деңгейде ластанады – синоптиктер

Синоптиктер Қазақстанның төрт қаласында 27 қарашада ауаның ластану деңгейі артады деп болжап отыр, деп хабарлайды Qaz365.kz.

«Қазгидрометтің» мәліметінше, Алматы, Өскемен, Семей және Риддер қалаларында қолайсыз метеорологиялық жағдайларға байланысты ауаның ластануы күтіледі. Бұл қалаларда ауа райы атмосферада ластаушы заттардың жиналуына ықпал етеді.

Қолайсыз ауа-райында мына әрекеттер ұсынылады:

• ашық ауада, әсіресе магистральдардың немесе басқа ластаушы көздердің жанында уақыт өткізуді қысқарту;
• балалар мен жүкті әйелдер ұзақ серуендеуден аулақ болуы керек;
• өкпенің созылмалы аурулары, жүрек-қан тамырлары аурулары және аллергиялық аурулармен ауыратын адамдар көшеде жүргенде дәрісін бірге алып жүруі керек;
• ашық ауадағы физикалық белсенділікті шектеу керек. Дене шынықтыру мен спорт шаралары жабық спорт кешенінде жүргізілуі керек.

Сонымен қатар Қазақстанның бірқатар аймағында дауылды ескерту жарияланды. Синоптиктердің болжамынша, республиканың басым бөлігінде тұман түсіп, екпінді жел соғады.