×

Ауыр сырқатқа шалдыққан қырғызстандықтар зейнетақы жинағын мерзімінен бұрын ала алады

Қырғызстанда ауыр сырқатқа шалдыққандар зейнетақы жинағын алып, емге жұмсауына болады.

Ауыр сырқатқа шалдыққан қырғызстандықтар зейнетақы жинағын мерзімінен бұрын ала алады
Сурет: pro-palliativ.ru

Қырғызстанда ауыр сырқатқа шалдыққандар зейнетақы жинағын алып, емге жұмсауына болады. Бұл туралы елдің Әлеуметтік қоры мәлім етті, деп хабарлайды Qaz365.kz тілшісі Kazinform агенттігіне сілтеме жасап.

Бұл мүмкіндікті мынадай диагнозы бар адамдар пайдалана алады:

Ісік түйіні метастазаларының халықаралық жіктелуіне сәйкес II, III, IV сатыдағы ісіктің барлық қатерлі түрлері, 2-ші клиникалық топ;

қан аурулары: лейкоз (барлық түрлері), апластикалық анемия, гемофилия;

қан айналымы жүйесінің аурулары: жүре пайда болған немесе туабіткен жүрек ақаулары, жүрек ырғағының бұзылуы, жүректің созылмалы ишемиялық ауруы: оның ішінде созылмалы аневризмасы бар коронарлық ангиопластика және коронарлық шунттау хирургиясы, жүрек жеткіліксіздігі, хирургиялық араласуды қажет ететін күре тамырлардың зақымдануы мен артериялық аурулар, эндартеритті облитерациялайтын күрделі формалар.

Айтып өтейік, міндетті қаржыландыру элементі Қырғызстанның зейнетақы жүйесіне 2010 жылы енгізілген.

Зейнетақының жинақталатын бөлігі сақтандырылған адамның Мемлекеттік жинақтаушы зейнетақы қорына (БЖЗҚ) жұмыс беруші есептеген табысының 2 пайызы мөлшерінде төлейтін міндетті сақтандыру жарналары есебінен төленеді.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Соңғы жаңалықтар

Барлық жаңалық →