×

«Бұл үлкен шу болғалы тұр»: Ринат Зайытов Түркістандағы былықты Шөкеевтің адамы істегенін айтты

Депутат заңсыз жекеменшікке өтіп кеткен нысандар жайлы айтты

«Бұл үлкен шу болғалы тұр»: Ринат Зайытов Түркістандағы былықты Шөкеевтің адамы істегенін айтты
Фото: ашық дереккөзден

Мәжіліс депутаты Ринат Зайытов жақында әріптесі Мақсат Толықбаймен бірге Түркістан облысына барып, заңсыз жекеменшікке өтіп кеткен нысандарды аралаған еді. Ол көбісін бұрынғы әкім Өмірзақ Шөкеевтің адамдары алғанын айтып қалды, деп хабарлайды Qaz365.kz.

«Бұл үлкен шу болғалы тұр. Бас прокуратураға да барып айттым, тексеруді сұрадым. Бір сыбыстарға сүйенетін болсақ, бұрынғы әкім Өмірзақ Шөкеевке қатысты адамдар осының барлығын  істеген дейді. Біз тексеріп жатырмыз. Өзіміз күмәнсіз болған кезде ең бірінші далада қалып қалған, ұлттық өнерді ұстап отырған қолөнершілердің орны қайтарылуы керек. Ал оларды жан-жаққа қуып тастаған. Мәдениет үйін мүлдем шет жақта ескі ғимаратқа көшіріп тастаған. Ал қалаға салынған Мәдениет үйінен ресторан жасап жатыр дегенде жағамызды ұстадық. Сондықтан бұл бір күндік мәселе емес»,  – деді Ринат Зайытов «ADAL ADAM» youtube-арнасына берген сұхбатында.

Ол сол ғимараттарды қалалық әкімшілік сенімгерлік хатпен біреулерге беріп тастаған деп отыр. Неке сарайын сұлулық, массаж салоны, Visit орталықтан біреулер кафе, дүкен ашқан дейді. Ал Мәдениет үйінен мейрамхана ашып жатқан көрінеді. 

Ринат Зайытов Түркістанға тексеруге барғанда бір «қызық» жағдайға тап болғанын айтты. 

«Біз әкімдікке барсақ, қала әкімі, оның орынбасары, көмекшісі сол күні ауырып қалып қалған. Бәрі денсаулығына жарамсыз, сондықтан демалыста болды», – дейді депутат.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Өскеменде алғаш рет Әкелер форумы өтті
Кеше, 19:21

Өскеменде алғаш рет Әкелер форумы өтті

Әкелер күні 2023 жылдан бері елімізде маусымның үшінші жексенбісінде атап өтіліп келеді
Барша мұсылмандар асыға күтетін қастерлі мерекенің тағылымы зор
Ұлт руханиятының алға басуына, қазақ ғылымының көкжиегін кеңейтуге бар саналы ғұмырын арнаған зиялы, парасатты тұлға еді

Соңғы жаңалықтар

Барлық жаңалық →