ЖШС бірнеше рет осындай байқауларда жеңіске жеткен
Астанада жалпы құны 848 миллион теңгеден асатын Есіл ауданын мерекелік безендіру қызметтері бойынша мемлекеттік сатып алу конкурсын Алтай Көлгінов әкімі болып тұрған кездегі тұрақты жеңімпаз жеңіп алды, деп хабарлайды Qaz365.kz тілшісі «ҚазТАГ» агенттігіне сілтеме жасап.
«Тапсырыс беруші Астана қаласы «Есіл ауданы әкімінің аппараты» мемлекеттік мекемесі; атауы – елді мекенді/ауданды/қаланы мерекелік және басқа да іс-шараларға дайындау/көркемдеу жөніндегі қызметтер; жоспарланған сома – 848 214 285,71 теңге; лоттың мәртебесі – сатып алу», – делінген мемлекеттік сатып алу порталында орналастырылған лоттың сипаттамасында.
Конкурсқа қатысуға өтінімдер 6 қараша мен 9 қараша аралығында қабылданып, жеңімпаз «Новая Левел» ЖШС деп танылды. Оның басшысы «Компра» (контрагенттік сенімділік қызметі) бойынша Николай Юрьевич Боровинский.
Айта кетейік, «Новая Левел» ЖШС Көлгінов Астана әкімі болып тұрған кезеңде бір емес, бірнеше рет осындай байқауларда жеңіске жеткен болатын.
Техникалық шарттарға сәйкес, қараша айының бірінші онкүндігінің соңында өтетін байқауға қызмет 31 желтоқсанға дейін көрсетілуі тиіс.
