Халық банкі директорлар кеңесінің құрамы өзгерді
Қазақстан Халық банкі директорлар кеңесінің құрамы өзгерді. Бұрынғы мүшесі Мәжит Есенбаевтың өкілеттігі мерзімінен бұрын тоқтатылып, Жақсыбек Құлекеев пен Жомарт Нұрабаев директорлар кеңесінің жаңа мүшесі болып сайланды, деп хабарлайды Qaz365.kz.
2023 жылғы 1 желтоқсанда банктің директорлар кеңесінің бастамасымен шақырылған акционерлердің кезектен тыс жалпы жиналысы өткен. Сол отырыста Мәжит Есенбаевтың өкілеттілігі тоқтатылды. Бұрын директорлар кеңесіне жеті адам мүше болса, енді сегізге дейін көбейді.
«Қазақстан Халық Банкі» АҚ Директорлар кеңесінің құрамына Жақсыбек Құлекеев тәуелсіз директор және Жомарт Нұрабаев «АЛМЭКС» холдинг тобы» АҚ өкілі ретінде сайланған.
Сонымен директорлар кеңесінің мүшелері толығымен мынандай:
• Александр Павлов – Директорлар кеңесінің төрағасы, тәуелсіз директор;
• Арман Дунаев – Директорлар кеңесінің мүшесі, тәуелсіз директор;
• Жақсыбек Құлекеев – Директорлар кеңесінің мүшесі, тәуелсіз директор;
• Франк Кайларс – Директорлар кеңесінің мүшесі, тәуелсіз директор;
• Жомарт Нұрабаев – Директорлар кеңесінің мүшесі, «Алмэкс» холдинг тобы» АҚ өкілі;
• Петр Романовски – Директорлар кеңесінің мүшесі, тәуелсіз директор;
• Герман Тишендорф – Директорлар кеңесінің мүшесі, тәуелсіз директор;
• Үміт Шаяхметова – Директорлар кеңесінің мүшесі, басқарма төрағасы.
Жақсыбек Құлекеев бұған дейін «Қаңтар оқиғасы: Ақорда үшін күрес» атты кітап шығарған болатын.
Еске салайық, Halyk Bank акцияларының 69,52%-ы Нұрсұлтан Назарбаевтың ортаншы қызы Динара мен оның күйеуі Тимур Құлыбаевқа тиесілі.
