Тексеріс анонимді адамдардан түскен арыздың ізімен жүрген
Бапкерлердің, ұстаздардың кейбірі өз ісінің үздігі болса да, оларға мемлекеттік тілді білу міндеттелген, деп хабарлайды Qaz365.kz.
Бұл жайлы «Настоящее время» басылымы жазады. Мәселен, Олимпиада Латвия намысын қорғаған, елдің семсерлесуден 8 дүркін чемпионы болған бапкер Юлия Вансовичті тіл білуден емтиханға дайын болу үшін жұмыстан 3 айға шеттеткен. Әр мектепте ондаған ұстаз латыш тілін С1 деңгейінде білмегені үшін қызметімен қош айтысуы мүмкін. Кейбіреулер емтиханды күтпей, өз еркімен жұмыстан кетіп жатыр.
Даугавпилск мектебінің 14 ұстазын Латвияның мемлекеттік тіл орталығы тексерген.
«Менің тәрбиемдегі балалардың көбі орыстілді. Тіпті латыш мектептерінде оқитын оқушылардың өзі де өз араларында орысша тілдеседі», – дейді семсерлесуден бапкер Юлия Вансович.
Волейболдан балаларды тәрбиелеген Борис Чолокян атты латвиялық азамат мемлекеттік тілді ішінара ғана түсінетінін мойындайды.
«Мен мемлекеттік саясатты да түсінемін. Алайда соған қолдап-қолпаштаймын деп айта алмаймын. Командамызда латыштар да, орыстар да болған. Проблема ешқашан жоқ еді», – дейді Чолокян.
Мемлекеттік тілді білу бойынша тексеріс анонимді адамдардан түскен арыздың ізімен жүргізілген.
«Мемлекеттік тілді білу жағынан тексеріс тілдесу, әңгімелесу форматында өтеді. Соның барысында инспектор қызметкердің лауазымына, кәсіби талаптарына сай латыш тілінде сұрақ қояды. Тексеріс арыз немесе бақылау бағдарламасы негізінде жүргізіледі», – дейді Латвия мемлекеттік тіл орталығының өкілі Вилнис Кушкис.
