Трактордың суға батып кеткен сәті видеоға түсіп қалды
Шығыс Қазақстан облысында трактордың суға батып кеткен сәті видеоға түсіп қалды, деп хабарлайды Qaz365.kz.
Оқиға Бұқтырма су қоймасында орын алды. Видео трактордың артында келе жатқан көліктің алдыңғы жағынан түсірілген: алдында келе жатқан трактор кенеттен мұз астына бата бастаған. Көлік суға батып жатқан кезде рөлде ер адам отырған, алайда ол батып бара жатқан көліктен секіріп үлгерген.
Сондай-ақ мұз өткелінде көлік қозғалысының тоқтатылатыны туралы хабарланды.
«ОблШығысЖол» ЖШС «Қызыл ту» мұз өткелінде (Бұқтырма су қоймасы) мұздың жарылуына, мұз бетіне судың шығуына және көлік құралдарының қауіпсіз қозғалысына қауіп төнуіне байланысты автокөліктердің барлық түрлері үшін қозғалыстың жабылғаны туралы хабарлайды. Қозғалыс Алтай, Үлкен Нарын және Зайсан елдімекендері арқылы айналма жолмен жүзеге асырылады», - делінген «ОблШығыс жол» ЖШС жол қауіпсіздігі қызметінің бас маманы Нүкібаев Л.Т. қол қойған хабарламада.
