Азамат Сатыбалдының анасы өмірден өтті
Қазақстанның еңбек сіңірген қайраткері, актер, «Қазақфильм» АҚ төрағасы Азамат Сатыбалдының анасы қайтыс болды, деп хабарлайды Qaz365.kz.
«Қазақстанның еңбек сіңірген қайраткері, театрымыздың артисі Азамат Сатыбалдының анасы – Сұраппаева Орынкүл Махатқызы өмірден өтті», – делінген Мұхтар Әуезов атындағы Қазақ ұлттық драма театрының көңіл айту хабарламасында.
Актердің анасы 85 жасқа қараған шағында дүние салды.
«Әкем дүниеден өткеннен кейін, анаммен өткізген әрбір сәтті бағалаймын. Анамның таңертең әдемі жымиып, маңдайымнан сүйіп, «айналайын» деген бір ауыз сөзі мен үшін баға жетпес бақыт», – деп жазып еді ол бір постында.
