×

Қазақстандықтардың мобильді аударымдарын тексеру қашан басталады

Қазақстандықтардың мобильді аударымдарын тексеру қашан басталатыны айтылды

Қазақстандықтардың мобильді аударымдарын тексеру қашан басталады
Фото: ашық дереккөзден

Мемлекеттік кірістер комитетінде Қазақстан азаматтарының мобильді аударымдарын қашан тексеретінін түсіндірді, деп хабарлайды Qaz365.kz.

2023 жылы мемлекеттік кірістер комитеті банк шоттарына кәсіпкерлік қызметпен байланысты ақша түскен азаматтар туралы банктерден ақпарат ала бастады. Кәсіпкерлік қызметтің белгілерін анықтау критерийі ретінде жеке тұлғаның жеке банктік шотына қатарынан үш айдың ішінде ай сайын әртүрлі тұлғалардан 100-ден астам аударым түскені көрсетілген. Сондай-ақ банктерден қазақстандықтардың аударымдары туралы ақпаратты кезең-кезеңмен алу мерзімдері анықталды:

  • 2023 жылғы 1 қаңтардан бастап – мемлекеттік қызметшілерге, оларға теңестірілген адамдарға және олардың жұбайларына;
  • 2024 жылғы 1 қаңтардан бастап – мемлекеттік органдардың, квазимемлекеттік сектор субъектілерінің қызметкерлеріне және олардың жұбайларына;
  • 2025 жылғы 1 қаңтардан бастап – дара кәсіпкерлер, заңды тұлғалардың басшылары және олардың жұбайлары үшін;
  • 2026 жылғы 1 қаңтардан бастап – халықтың қалған бөлігі үшін.

Бүгінге дейін тек мемлекеттік қызметшілер, оларға теңестірілген тұлғалар және олардың жұбайлары туралы ақпарат алынды.

«Бақылау шаралары адал салық төлеушілерге әсер етпейтінін және жасырын кірістер мен тіркелмеген кәсіпкерлерді анықтауға бағытталғанын ескертеміз. Бұл ретте жеке тұлғалар жеке мақсаттары үшін мобильді аударымдарды жүзеге асырып, қабылдай алады», - делінген хабарламада.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Соңғы жаңалықтар

Барлық жаңалық →