Ақтау қаласының 39 жастағы тұрғынының үстіне көпқабатты үйдің терезесінен диван құлап кетті. Ер адам ауыр жарақаттанып, ауруханаға жатқызылды, деп хабарлайды Qaz365.kz тілшісі Zakon.kz-ке сілтеме жасап.
Дәрігерлердің айтуынша, жәбірленуші сал болып қалған.
"Дәрігерлер оған мойын омыртқасының сынуы, жұлынның ауыр жарақаты деген диагноз қойды", - деп түсіндірді аурухананың баспасөз қызметі.
Inaktau.kz сайтының хабарлауынша, ауруханаға түскен ер адамның туыстары оқиғаның куәгерлерін іздеп жатыр. Жәбірленушінің ағасының айтуынша, 11 қаңтар күні күндіз, болжам бойынша, 11-шағынаудандағы үйлердің бірінің алтыншы қабатындағы терезеден диванның бұрышы ер адамның үстіне құлаған. Туыстары жасөспірімдер кінәлі болуы мүмкін деп отыр. Диван 6-қабаттағы терезеден лақтырылған.
Полиция тергеу жүргізіп жатыр.
"Аталмыш факті ҚР Қылмыстық кодексінің 114-бабы (Абайсызда денсаулыққа зиян келтіру) бойынша Ақтау қаласы Ішкі істер басқармасы Төтенше жағдайлар комитетіне тіркелді", – деді Маңғыстау облысының Полиция департаментінен.
