×

Риддердегі жылу электр орталығынан өрт шықты: тұрғындар үйі суып кеткенін айтады

Риддердегі жылу электр орталығынан өрт шықты: тұрғындар үйі суып кеткенін айтады
kazgazeta.kz

19 қаңтарда таңертеңгі сағат 7-де Риддердегі жылу электр орталығының от жағу цехынан өрт шықты. Бұл жөнінде жылу электр орталығы мекемесінің басшылары мәлімдеді, деп хабарлайды Qaz365.kz тілшісі Азаттыққа сілтеме жасап.

Өртке не себеп болғаны айтылмайды. Тұрғындар үйлер "бірден суып кеткенін" айтты.

Әлеуметтік желіде оқиға орнынан қысқа видео да тарады.

Азаттық тілдескен қала тұрғыны үйі бірден суығанын айтты.

“Бұған дейін де оңып тұрмаған еді. Қазір тіпті суыды. Бірден суыды. Суымағанда қайтеді, жылу электр орталығы істемей қалды”, – деді Назар Асаинов.

Әлеуметтік желіде өзге тұрғындар да жылу жоғына шағымданды.

Жылу электр орталығының директоры сағат 9-да өрт сөндірілгенін хабарлады.

“Қазіргі уақытта өрт толық сөндірілді, қаза тапқандар жоқ. От жағу қалпына келтіріліп жатыр. Жылу желісінің температурасы уақытша төмендейді. Сабыр сақтауларыңызды сұраймыз" –  деді орталық басшысы Әл-Тайыр Ақбожанов.

"Власть" сайтының жазуынша, оқиға орнына облыс әкімі Даниал Ахметов барған. 

Жыл басынан бері Риддердегі жылу электр орталығында осымен екінші рет "төтенше жағдай" болып отыр. 5 қаңтарда Риддер жылу орталығының күл шығару жүйесіндегі станциясында сорғы істен шығып, "су астында қалған". Сол кезде де тұрғындар үйлері суық екеніне шағымданған.

Былтыр жыл аяғында жылу электр орталығында бірнеше рет апат болып, орталықтандырылған жүйеге қосылған 22 мыңнан астам отбасы салқын үйлерде түнеуге мәжбүр болған еді. Сол кезде қалада техноген сипаттағы төтенше жағдай режимі енгізілген. Бұл төтенше жағдай режимі әлі күшінде. Сол кезде ШҚО әкімі ЖЭО-дағы мәселеге орталық басшылығы мен энергетика министрлігінің жергілікті өкілдерін айыптаған. Облыс прокуратурасы қарашада ЖЭО-да төтенше жағдай себебін анықтау бойынша тексеру жүргізіліп жатқанын мәлімдеген, бірақ нәтижесін әлі жариялаған жоқ.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Бөлім жаңалықтары

Тағы оқыңыз
Бірыңғай уақыт белдеуіне көшу: гаджет иелеріне нұсқау ұсынылды
26.02.2024ж. 15:56

Бірыңғай уақыт белдеуіне көшу: гаджет иелеріне нұсқау ұсынылды

Құрылғының бағдарламалық жасақтамасын жаңарту қажет
Ол қайырымды жан мұндай ізгі-ниет іс-шарасын ешкімнен ештеңе күтпей істейтінін, ақкөңілмен жасайтынын еске салып өтті

Соңғы жаңалықтар

Барлық жаңалық →