×

Азамат Әбілдаев партиядан шығарылып, депутаттық мандаты тоқтатылады

Азамат Әбілдаев партиядан шығарылып, депутаттық мандаты тоқтатылады
видеодан кадр

«Ақ жол» демократиялық партиясы ұлттық кеңесі Мәжіліс депутаты Азамат Әбілдаевтің мәселесін қарады. Бұл туралы аталған партия мүшесі, мәжілісмен Қазыбек Иса Facebook-парақшасында жазды, деп хабарлайды Qaz365.kz.

«Бүгін 2023 жылы 19 қаңтарда «Ақ жол» демократиялық партиясы ұлттық кеңесінің пленумы өтті. Партия төрағасы Азат Перуашевтің төрағалығымен өткен жиында Мәжіліс депутаты А.Әбілдаевтің журналиске берген сұхбатында Украинадағы соғыс туралы айтқан сөздері сараланып, тиісті саяси баға берілді.

Ұлттық кеңес мүшелері А.Әбілдаевтің сөздері «Ақ жол» партиясының позициясына қарама-қайшы екеніне, партиялық және депутаттық этиканы да бұзғанына баса назар аударды.

Атап өту керек, кеше партия президиумы хабарлағандай, «Ақ жол» партиясы қашан да республикамыздың және басқа да дос мемлекеттердің тәуелсіздігі мен жер тұтастығын құрметтейді және қолдайды», - деп жазды Қазыбек Иса.

Оның атап өтуінше, Ұлттық кеңес А.Әбілдаевті «Ақ жол» демократиялық партиясынан шығару туралы шешім қабылдады. Сонымен қатар «Ақ жол» демократиялық партиясынан шығарылғанына байланысты А.Әбілдаевтің депутаттық мандатын тоқтату туралы «Ақ жол» партиясы Орталық сайлау комиссиясына хат жолдады.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Бөлім жаңалықтары

Тағы оқыңыз
«Итке сүйек лақтырғандай». Ырысбала Икрамбай Назарбаев қорының медалінен бас тартты
Бүгін, 09:13

«Итке сүйек лақтырғандай». Ырысбала Икрамбай Назарбаев қорының медалінен бас тартты

Ол қайырымды жан мұндай ізгі-ниет іс-шарасын ешкімнен ештеңе күтпей істейтінін, ақкөңілмен жасайтынын еске салып өтті
Сарыағаштағы 5 жасар қыздың өліміне қатысты педофилді тексерген пробация қызметкері 2 жылға сотталған болатын
Жер сілкінісінің эпицентрі – Қытай аумағында

Соңғы жаңалықтар

Барлық жаңалық →