Тоқаев Түркияға қосымша көмек жіберуді тапсырды, деп хабарлайды qaz365.kz тілшісі t.me/aqorda_resmi телеграм арнасына сілтеме жасап.
"Президент Қасым-Жомарт Тоқаев Түркия Республикасына қосымша гуманитарлық көмек жіберу жөнінде Үкіметке тапсырма берді", - делінген сейсенбі күні тараған ақпаратта.
Мемлекет басшысының тапсырмасы бойынша жер сілкінісі болған аудандардағы зардап шеккендерге көмек көрсету үшін шатырлар, жылытқыштар, жылы киімдер және басқа да ең қажетті заттар жіберіледі.
Еске салайық, бұған дейін президент Түркияға көмек ретінде 1 миллион доллар бөлуді тапсырған болатын. Қазақстандықтар республика бойынша 115 тонна гуманитарлық көмек жиналған. Ал Түркістан облысында Түркияға 10 тоннаға жуық гуманитарлық көмек жиналды.
