Бұл мемлекеттік органдардың қызметіне де тиімді әсер етеді
Сенат сот жүйесін реформалау туралы заңды мақұлдады, деп хабарлайды Qaz365.kz.
“Сенат 2025 жылдан бастап азаматтық және қылмыстық істер бойынша дербес кассацияны енгізуді, кассациялық сатыда алдын ала қарау кезеңін алып тастауды жоспарлы түрде жүргізу заңнамасын мақұлдады”, – делінген хабарламада.
Бұл заң азаматтардың сот актілерін қайта қарау орнына кассациялық шағым беруді, сондай-ақ кассациялық сатыға қолжетімділікті кеңейтуді көздейді.
“2025 жылғы 1 наурыздан бастап әкімшілік орган жауапкер болып табылатын талапкердің таңдауы бойынша әкімшілік істер бойынша аумақтан тыс соттылық енгізілетін болады. Бұл мемлекеттік органдардың қызметіне де тиімді әсер етеді”, – деді Жоғарғы Соттың азаматтық істер жөніндегі сот алқасының төрағасы Нұрсерік Шәріпов.
Әкімшілік істер бойынша сот актілері апелляциялық шағымданғаннан кейін заңды күшіне енеді.
