Оның елшілік миссиясы 2025 жылдың 20 қаңтарында аяқталады
АҚШ-тың Қазақстандағы елшісі Дэниел Розенблюм қызметінен кетеді, деп хабарлайды Qaz365.kz.
Бұл туралы ол елшілік қызметі арқылы Қазақстан Республикасы Үкіметіне хабарлаған.
Ол зейнеткерлікке шығатынын және дипломатиялық миссиясын 2025 жылдың 20 қаңтарында аяқтайтынын хабарлаған.
"Қазақстанда қызмет ету және оның мәдениет-дәстүрімен танысу өзім үшін зор мәртебе болды", – деп атап өткен АҚШ елшісі қоштасу сөзінде.
Елші Розенблюм 2022 жылдың қараша айынан бері Қазақстандағы миссия басшысы қызметін атқарып келеді. Ұзақ ойланып, ол бес президент пен сегіз мемлекеттік хатшымен бірге өткен жарқын еңбек жолын аяқтап, қызметінен кетуге бел буған.
