Бұл туралы Президент Джо Байден жарлыққа қол қойған
АҚШ-та 2025 жылдың 9 қаңтары қаралы күн деп жарияланды, деп хабарлайды Qaz365.kz.
Бұл туралы АҚШ-тың қазіргі президенті Джо Байден арнайы жарлыққа қол қойды. Қаралы күннің жариялануына елдің 39-шы президенті Джимми Картердің қайтыс болуына байланысты болып отыр.
"Мен 2025 жылдың 9 қаңтарын бүкіл Америка Құрама Штаттарында ұлттық аза тұту күні деп белгілеймін. Мен американдықтарды осы күні өздерінің ғибадат орындарына жиналып, президент Джеймс Эрл Картерді еске алу үшін құрмет көрсетілуін тапсырдым. Мен қайғы-қасіретімізді бөлісетін әлемдегі адамдарды осы салтанатты шараға қосылуға шақырамын", – деп жазды Джо Байден.
Еске сала кетейік, бұған дейін АҚШ-тың ғасыр куәгері атанған 100 жастағы президенті, Нобель сыйлығының иегері Джимми Картердің қайтыс болғаны туралы жазған болатынбыз.
