×

Ардақ Назаровқа ескерту беріледі – Мәжіліс төрағасы

Мәжіліс төрағасы Ерлан Қошанов су жаңа депутат Ардақ Назаровтың әрекетіне жауап берді

Ардақ Назаровқа ескерту беріледі – Мәжіліс төрағасы
коллаж: Qaz365.kz

Мәжіліс төрағасы Ерлан Қошановтан журналистер жаңадан сайланған депутат Ардақ Назаровтың әрекеті жөнінде пікір білдіруді сұрады, деп хабарлайды Qaz365.kz тілшісі Ulysmedia.kz-ке сілтеме жасап.

Ардақ Назаров кеше Астанада депутаттық мандатын алуға барғанда журналистердің сұрағына елемей, Қаңтар жайлы сұраққа «Алла баршаңызды аман етсін» деп түсініксіз жауап берген. Жаңа депутаттың бұл әрекеті әлеуметтік желіде қызу талқыланып жатыр.  Тележурналист Самал Қабышева оның бұл әрекетін сынға алған болатын. Ал парламент палаталарының бірлескен отырысында бүгін Назаров тіптен ешбір сұраққа жауап бермей кете барды.

Видео: Telegram

«Назаровтың бұл әрекеті жайлы не деуге болады? Сіздер шара қабылдайсыздар ма? Әдеп жөніндегі кеңесте оның бұл әрекетін қарайсыздар ма?» –  деп сұрады журналистер Қошановтан.

Бұл сұраққа жауап берген Қошанов «біз әлі Әдеп кеңесін құрып үлгерген жоқпыз» деп бастады.

«Мейлінше ашық болуға тырысамыз. Депутаттарда бүгін бірінші отырыс болды. Иә, мен парламент спикер ретінде депутаттармен осындай талаптар бар деп жұмыс жүргіземіз. Былтыр жетінші шақырылымда ондай оқиғалар болды деп мен айта алмаймын. Солай ғой!? Сондықтан, біз де оны қайталамауға тырысамыз. Әрине, журналистермен кездесу, сіздерге сұхбат беру – бірінші кезекте біздің мүддеміз. Себебі сіздер арқылы халыққа жасап жатқан жұмысымызды жеткізу – бізге қажет», - деді ол.

Ерлан Қошановтан журналистер «өзіңіздің тарапыңыздан Ардақ Назаровқа ескерту бола ма?» деп те сұрады.

«Ардақ Назаров біздің регламентті бұзатын болса, әрине, ескерту беріледі. Журналистердің сұрағына жауап бермеген екен деп, депутаттық мандатынан айыру деген заңда қарастырылмаған. Депутат өзі құқылы – жауап бере ме, жоқ па? Бірақ жауап беруі қажет», - деді ол.

Қошанов «бұл мәселені шешілмейтін мәселе емес» деп түйді.

Видео: Telegram

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Бөлім жаңалықтары

Тағы оқыңыз
«Жоспарланған арандату»: Ермұрат Бапи Атырауда бұрмаланған ту ұстап суретке түскендер туралы айтты
Кеше, 17:26

«Жоспарланған арандату»: Ермұрат Бапи Атырауда бұрмаланған ту ұстап суретке түскендер туралы айтты

Бұған дейін әлеуметтік желіде бет-аузын тұмшалағандардың суреті тараған еді
Құжатта 20 тонна ғана бар картопты, 2000 тонна деп жазып жіберіп отырған
Қазіргі заманғы қарулы қақтығыстар адам шығыны болмайтын, бірақ тиімділігі жоғары техникалардың алдыңғы қатарға шығуымен ерекшеленеді

Соңғы жаңалықтар

Барлық жаңалық →